New Delhi, 01 April: Six-time world champion aro Olympic bronze-winner M C Mary Kom ke toh kamiyaab hobole laga secret mantra toh thakibole biswaas kori thakise hoilebi sai para enaka toh nai koikena janishe.
31 sal khelari toh Covid 19 pandemic nemide 2021 te postpone kora tai laga second Olympics te khelibole daiyar kori ase.
Wednesday te tai para Sports Authority of India’s facebook live session te subject “Making of a Champion” laga kotha kora thakise. Tai koise, tai ke toh kamiyaab howah laga eku secret recipe toh nai. Tai ke toh kamiyaab hobo nemide eku mantras nai koise., Khali dukh kuribole lakae aro apuni ke kori etu te honest hobo lakae koise. Ups aro downs toh hotai thakae hoilebi apuni laga deams te focus kora toh ketiya be lose nahobo lakae koise.
Tai koise, “Ami laga boxing journey toh sosta thaka nai. National, international aro Olympic level ponjibole toh sosta thakanai hoilebi apuni ke monja laga thakise aro jevaan te kamiyaab hobole laga thakise koile apuni paribo”.
Tai koise, “Tai laga suru jevaan toh ektum dekthari thakise. Duniya family para aha ektum dekthar thakise. Dekthari powah toh kobole be napari aro etu te jaat be kuribole mon nai”.
Mary Kom toh ekta Rajya Sabha MP be hoi aro tai ke toh media laga konbah sections para jowah moina Jordan te Asian olympic Qualifiers para korai aha bechide quarantine protocol te violate korise kowah thakise.
Add Comment