Madrid, 09 April: Real Madrid laga player aro coaching staff para etu sal wage toh 10-20 percent katibole manishe. Etu toh hoilebe coronavirus ola te deal kuribole nemide club logode motob debo nemide ase. Etu khobor toh Wednesday din LaLiga side para janaideya laga ase.
Club koise, exact amount toh situation opor te ase. Kelay koile current 2019/20 sports season laga closing te affect hobole chance thaka nemide. Club directors para be basketball team laga members para wage katibole mana janaishe.
Club koise, Etu fesla toh senior football side nemide tram captains- Sergio Ramos aro club directors majode kotha kora bechide ase. Etu fesla para tusara employees laga wages katibole thaka bachibo.
Spain toh coronavirus ola karni para ektum dekthari paise. Tati virus karni para total 14,555 manu morishe. LaLiga aro duniya te besi phak football event toh bondh korikena ase aro season toh aro ketiya para suru kuribole ase eku najani kena ase.
Statement te koise, “Etu fesla players, coaches aro employees para lowah para tusara workers ke dekthari pabole thaka toh napabo”.
Etu fesla para be etu moina club poisa para dekthari pai thaka te motob pabo koise.
Barcelona aro Atletico Madrid te players para be pay cuts korise aro LaLiga para be tusara player khan etu te follow kuribole koise.
Spanish sports daly Marca koise, 1o percent kata para club ke 50 million euros nesana bachibo.
Add Comment