Agencies, 27 August: Lyon toh fifth par nemide women’s Champions League laga final te ponjishe. Tai khan toh Paris Saint-Garmain logode 1-0 jet bechide ase. Tai khan toh Wendie Renard laga 67th m,inute header nemide jeta laga ase. Lyon toh Sunday laga final Wolfsburg kelaaf khela te fifth par title jet nemide kosish kora thakibole ase.
Wolfsburg toh third European title jet nemide kosish kora thakibole ase. Tai khan pola 2013 aro 2014 sal te par-par title jeta thakise.
Lyon, ekta six time winner aro nine-time finalist para 2016 aro 2018 finals te Wolfsburg logode jeta thakise. Wolfs burg toh Lyon logode 2013 decider te hara thakise.
PSG toh tai khan laga ; first women’s Champions League trophy nemide shai thaka ase. Tai khan third par nemide final ponjibole kosish kori thaka ase. Tai khan Lyon logode toh 2017 sal te runner-up thakise. Tai khan ke 2016 semifinals te French logode hara thakise.
Final toh northern Spanish city of San Sebastin te Real Sociedad’s Anoeta Stadium jag ate khelibole ase. Tai khan mini-tournament toh quarterfinals suru kora logode host kori ase. Sob matches toh fans nathakikena khelishe. Athletic Bilbao’s San Mames stadium be games host korise.
