Tollywood actor Jayaprakash Reddy morishe

Guntur: September 8, 2020. Telugu cinema aro theatre actor Jayaprakash Reddy (74) umer toh tuesday din Guntur te heart attack para morishe. Andhra Pradesh Chief Minister’s office (CMO) para tai mora nemite mon dhuk kotha janai thishe. Andhra Pradesh chief minister Y S Jaganmohan Reddy para popular character artiste Sri Jayaprakash Reddy morijaa nemite mon dhuk ase koishe aro tai toh film te besi tangor respect thaka manuh ase, tai laga dialogue aro neem khan ketai be napowribo koishe. Chief minister para tai laga ghor manuh logot morom botaishe koikena statement para koishe.  Telugu Desam Party (TDP) chief N Chandrababu Naidu para be actor mora oper tem on dhuk kora janai thishe. “Telugu cinema aro theatre khan aji tangor manuh ek jun jaishe. Tia laga besi saal kam toh ami khan logot hotai yaat thakibo, ami laga mon toh tai laga ghor manuh aro dati khan logot jaiase”, koikena  Naidu para Twitter te lekishe. Ghor manuh khan para kowah hesab te, actor Jayaprakash Reddy toh lockdown samay para Guntur te thakiase. Relative manuh ek jun para koishe ke, “tai heart attack hoikena bathroom te kerishe. Tai laga son aro daughter-in-law khan toh COVID-19 bemari elaj koriase”. Etu nemite relatives khan para tai laga final rites toh arrange kori ase koishe.