Telugu actress Sravani suicide case te notun kotha olaishe

Hyderabad: September 12, 2020. Television actress Sravani Kondapalli laga suicide case te notun kisa olaishe. Tai laga ghor manuh khan para Devaraj Reddy ke botnam thishe. Hoilebi, Devaraj Reddy para Sravani Kondapalli logot kotha kora audio clips toh TV channel te thishe aro etu pithor te Sai Krishna Reddy aro producer Ashok Reddy laga nam be loikena ase. 26-umer actress Tuesday rati suicide te mora  laga ghor manuh para koishe ke, tai laga TikTok fan Devaraj Reddy para tortured kora nemite tai para etu kam morishe koishe. Sravani ke tai laga bosti te last rite nemite loikena jaishe. Video statements te, Devaraj Reddy aro Sai Krishna Reddy para koishe ke, Sravani para Sai Krishna aro Ashok Reddy,  ‘RX100’ film producer ase, tai jun logot sati bonaishe. Devaraj koishe ke, Sravani para  Ashok Reddy laga credit card be expenses nemite jui thakishe, hoilebi Devaraj logot lokai thakishe koishe. SR Nagar police station laga house officer V. Narasimha Reddy, para koishe ke, Thursday din Devaraj ke thurikena jaishe aro Sai Krishna ke be enquiry nemite matibo. Etu case toh Ashok Reddy nam te ase etu para lakile tai ke be matibo, koikena Narasimha Reddy para janai thishe.