NCB para aro 6 jun thurishe

September 13, 2020. Rhea Chakraborty ke Narcotics Control Bureau (NCB) para tawai case nemite Tuesday din te thurishe. Etu samay tai para federal agency logot 20-page statement te serious kotha janai thishe. Section 67, NDPS Act pithor te Rhea laga kotha hesab te, konuba Bollywood celebrities khan Sushant Singh Rajput logot melikena tawai kai thakishe, koikena NCB laga source para koishe. Rhea para koishe ke, Sushant laga farmhouse, Lonavla te thaka toh Bollywood sati khan para parties kori thakishe. Hoilebi, Rhea para tai toh tai khan logot thaka nai koishe. Tai para tangor aro famous actor tui(2) jun nam koishe aro konuba kam kora actor para tawai te-thakise. Rhea koishe, film bona manuh ek jun para introduce korikena Sushant ke parties te loikena cocaine and LSD toh gaanja logot melaikena kaboli thishe. Rhea, Showik, Miranda, Sawant, Vilatra aro Parihar, tai khan sob judicial custody te ase, tai khan laga bail application toh Friday din NDPS court para reject korishe. Ek hafta hoishe ke, Arora, Lakhani aro Ibrahimm bail paikena judicial custody te ase.  Keshwani toh NCB custody te September 14 darik dak thakibo. NCB para contrabands 590 grams of Hashish, 0.64 gram of LSD sheets, 304 grams of marijuana, aro bahar laga marijuana joints aro capsules aro etu oper te Rs 1,85,200 aro 5,000 Indonesian currency toh Keshwan laga ghor Khar para September 6 darik te thurishe. Ebrahim laga statement hesab te Keshwani ke thurishe aro Ebrahim para tai logot tawai toh keni thakishe koishe. NCB, Mumbai Zone para Bollywood actor Sushant Singh Rajput case oper te tawai laga angle para komti hoilibe chui(6) jun manuh ke thurikena ase, koikena Sunday din officials para janai thishe. Mumbai para loikena Goa dak te check kora samay, NCB teams ke Zonal Director Sameer Wankhede para ek jun Karamjeet Singh Anand (23) umer, koikena thurishe. Tai laga hath para Ganja aro  Charas paishe. Ganja supplier, Dywan Anthony Fernandes aro tai laga tui(2) jun sati ke Dadar (West), Mumbai para thurishe. NCB para tai khan logot half-kilo Ganja thurishe. Etu oper te, Ankush Arenja (29) umer ke be Powai chaka para tui(2) din agae te thurikena ase koishe.