September 16. 2020. Wednesday te, Bollywood actor Sushant Singh Rajput laga purana manager Shruti Modi Narcotics Control Bureau (NCB) osor te tawai cases te ahishe. Shruti ke hota-hoti koribo nemite NCB office te jaishe. Etu agae din para matikena thakishe. NCB para aro Sushant laga talent manager Jaya Saha logot be sawal koriboli matishe. Official para koishe ke, Shruti para Sushant aro tai laga girlfriend Rhea Chakraborty ke tawai thitaka nemite sawal koribo. Tai ke last Tuesday thurishe. Official aro koishe ke, Shruti ke Rhea logot kotha kora hotibo, keli koile tai khan Sushant ke tawai thiboli kotha kora thikishe. Shruti ke aro Sushant aro Rhea para tawai lowah toh jane naa, nai NCB para hotibo koishe. Judi tai para hoi koile, ketai para ase. Notun khobor paa toh, Sushant mora cases oper te 15 manuh ke thura beche ase. Rhea, tai laga bhai Showik, Sushant laga ghor manager Samuel Miranda aro dosura manuh khan ke NCB para thurikena ase. Enforcement Directorate (ED) para request kora nemite, NCB para case registered korishe. Showik, Miranda aro dosura manuh khan tawai laga kotha kora toh paishe.
Sushant toh tai laga ghor Bandra Mont Blanc te Junly 14 darik hang hoikena thakishe. CBI aro ED, jarikena, NCB toh tinta(3) agency as eke, Sushant mora case toh saiase. Etu samay, Bollywood celebrities neshina Sara Ali Khan, Rakul Preet Singh aro Simone Khambatta ke NCB para tawai oper te Sushant mora case te thurishe, koikena official para juani thishe.
Add Comment