September 17, 2020. Thursday, September 17 darik te Malayalam TV actor Sabari Nath cardiac arrest para morishe, tai 43 umer thakishe. Khobor para koishe ke, badminton kela samay cardiac arrest hoishe aro private hospital te loikena jaishe thati para morishe. Tai show neshina- Swami Ayyappan aro Minnukettu, te kam kori thakishe. Sabari ke last thika toh popular show Padatha Painkili, thakishe. Tai para jarikena jaa khan toh Maiki aro tuita(2) chokuri bacha ase. Sabari Nath mora khobor para Malayalam TV industry ke shock hoishe. Neeyum Njanum film laga actor Shiju AR para Instagram te mon dhuk kotha junai thishe aro lekishe ke, “ami laga mon dhuk kora janaise, aro besas nai”. Actress Uma Nair para be mon dhuk howah janai thishe aro social media te share korishe. Tai para news te koishe ke, :ami besai nakori, kuan para be Sabari Chettan eman jolti jabole besas thaka nai”. Kasthooriman actress Alice Christy para koishe ke, “Sabari chetta…tumi etu Duniyaa para jaishe kowah toh ami besas nakori…. manuh pithor te tumi he thakishe, ami tui logot besi saal kam korikena ahishe chetta….tumi ke miss koribo.
Dosura khobor ekta te, Tamil director Babu Shivan, 54 umer te olop din agae te morishe. Tai be elaj kori thakishe, tai laga halat besi beya howah nemite doctors khan para dialysis loboli olaishe. Music director Vijay Antony para khobor hona beche, tai koishe ke, “moi, Vettaikaaran director Babu Sivan mora khobor honikena besi mon dhuk aro shock hoishe. Tai toh besi simple manuh thakishe, aro tai para freedom sob thikena Vettaikaaran te moi laga ideas koriboli parishe. Ghor manuh aro Sati khan logot mon dhuk kowah janai ase”.
Add Comment