Ruben Jay COVID-19 bemar para morishe

September 23, 2020. Actor Florent Pereira mora beche olop din thakina popular actor Ruben Jay, novel coronavirus bemar para morishe. Tai ajanak mora nemite Tamil film industry manuh khan besi shock hoishe. Pinkvilla para khobor deya hesab te ctor toh lung cancer elaj loi thakishe, etu oper te tai ke COVID-19 bemar be thurishe koishe. Tai last saas lowah toh Trichy private hospital te 54 umer te morishe. Ruben Jay ke jania toh Vijay Thalapathy laga film starrer Ghilli, Dhool aro Vikram te supporting role korishe. Tai agae film te kabaddi match referee be korishe aro TTR laga role be lioshe. 2020 saal toh Bollywood, Television aro dosura film industry celebrities khan nemite besi gopal beya saal ase, keli koile etu saal te manuh besi morishe. South film industry laga actors manuh pithor te Chiranjeevi Sarja, Vadivel Balaji, aro dosura besi alag-alag bemari para morishe. Aro, nam tangor thaka Marathi, Hindi films aro stage actress Ashalata Wabgaonkar be char(4) din Covid-19 para bemar hoikena Satara private hospital te morishe, tai toh 79 umer thakishe. Ashalata toh jaa hafta private hospital te admit kora samay besi serious te thakishe koishe.