Anurupa Roy para Puppetry toh serious art koishe

September 23, 2020. Puppeteer Anurupa Roy,  koishe ke, tangor manuh logot toh bacha khan he besi serious audience ase. Tai aro mon dhuk hoikena koishe ke, hosa te be manuh khan para puppetry ke “simple aro khela saman neshina bhapana kori”. “manuh laga bhapana te puppetry toh bacha khan nemite te ase” koikena news agency logot kotha kora samay koishe. Anurupa Roy laga puppetry group Katkatha toh olop din agae te first online show- Teelapur ka Rakshsha, koikena thikaishe. Aro etu Germany te thakishe. Helios Theatre logot co-produced hoikena olop din agae te Kolkata Centre for Creativity para organised kora te talk series part loishe. “tangor manuh khan ke performance devices, special effects, nohoile word play para kushi kori te, hoileni bacha khan toh pakala nahoi ke etu para manibole”, talk series para koishe. Roy koishe ke, “bacha khan dosura eku nesai, acting toh he serious para sai”bacha khan para poisa toh wabas nemangi, tai khan saboli napaile switch off korikena nejor laga Duniyaa te jai”, tai koishe. Roy para aro koishe ke, puppetry toh complex art ase aro audience khan ke alag-alag kam para kushi kori dey. Skills aro technique toh besi simple ase aro dosura toh aesthetic ase. “etu tuita(2) jarikena aro dosura layer toh  suspension of disbelief”, tai aro koishe. Etu layer te, tai koishe ke, audience para mora saman ekta thikishe aro jane ase ke etu saman toh morishem hoilebi besas ase ke hasi nohoile kanti aro saas loi. Anurupa Roy toh tai 10 saal umer thaka samay para he puppets aro puppetry logot besi melikena ahishe. Tai toh, 2006 saal Puppetry te Ustad Bismillah Khan Yuva Puraskar paishe koishe. Tai tai toh University of California Los Angeles te be kam kori thaki. Tai para aro koishe ke, “bacha, jawan aro alaj chati khan besi important ase.