K-Pop Indian Contest te Vidisenuo Belho, 1st runner-up paishe

September 26, 2020. Korean Cultural Centre India para organized kora K-Pop Indian Contest 2020 samay solo singing competition te Nagaland para Vidisenuo Belho first runner-up paishe koishe. Vidisenuo Belho 20 saal umer para Heize’s laga ‘Can you see my Heart’ gaana korikena award toh jetishe, etu oper te tai logot gift, certificate paishe aro South Korea te free para visit koribo koishe. Etu competition te artistes khan laga kushi gaana video te contest samay korishe. Sob round te same gaana toh notun video te kaikena record korishe. Delhi para Chanchui Khyai,  ke solo singing competition laga winner janai thishe. Etu competition te 18 alag-alag states para ahikena singing aro dance challenge te competed korishe.Covid-19 bemari thaka nemite, etu saal contest toh virtually thakishe. Etu saal, winners khan toh Korea te Changwon K-Pop World Festival te desh nemite represent koriboli thakishe. Tuita(2) categories te be Winners aro runners up toh India para hoishe, etu nemite South Korea te jaboli chance paishe. Covid-19 situation bhal kora beche jabo koishe.