Actors tin jun NCB laga radar te ase

September 30, 2020. Sushant Singh Rajput mora oper te Narcotics Control Bureau (NCB) para drug case toh tangor hoikena jai ase. Bollywood actress neshina Deepika Padukone, Sara Ali Khan, Shraddha Kapoor aro Rakul Preet Singh, ke hota-hoti kora beche aro taita(3) notun actors nam paishe aro tai khan ke be NCB para matiboli ase. Agency para actress khan laga mobile phone utha beche Bollywood drug syndicate khan ke pesaribo ase. Etai dak te 20 jun oper manuh ke thurikena ase etu oper te Rhea Chakraborty aro tai laga bhai Showik be ase. Tuesday din te Bombay High Court para didi-bhai laga bail pleas toh rakina ase koishe. NCB para koishe ke, Rhea Chakraborty aro Showik toh “drug syndicate laga active member ase tai jun high-society personalities aro drug suppliers logot melikena ase,” etu oper te drugs kena aro loi thaka te tangor samil ase koikena tai laga statement toh NCB para record korina ase. Etai tai jun Judicial custody te ase aro October 6 darik dak thakiboli ase. Etu samay, AIIMS aro Central Bureau of Investigation (CBI) para Sushant Singh Rajput mora case toh organic poisoning kora neshina ase. Team para koishe ke, tai khan konuba legal chaka sai ase aro “ekta fesla te bonchibo ase”. AIIMS forensic team para final report toh thiboli ase koishe.