‘Jurassic World Dominion’, COVID cases nemite kam rokishe

October 8, 2020. “Jurassic World: Dominion” bonai thaka toh tui(2) hafta nemite rokishe, keli koile kam kora chaka te kam kora manuh khan besi logot coronavirus bemari thurikena ase koishe. Etu howa toh Universal Pictures and Amblin Entertainment para movie olabo thaka toh ek saal agae  June 10, 2022 te uthai thishe. Bemari nemite ke hobo najana karne ase. Hollywood Reporter laga Universal spokesperson para koishe ke, “COVID-19 positive tested kora nemite” film bonai thaka toh ek paar nemite rokai thishe. “jaa rati, ami khan logot koishe ke, ‘Jurassic World: Dominion’ bonai thaka toh COVID-19 positive test olop jun logot paa nemite ase” . “hoilebi, aji phur test kora samay negative paishe, keli koile kam kora manuh khan toh hosari ase, aro kaun khan positive test paikena ase, etu manuh khan self-isolation te ase. Etu nemite film bonai thaka toh rokaina ase. Hoshari guidelines para aro kam toh soru koribo” koikena Wednesday din te spokesperson para statement te janai thishe. Film director, Colin Trevorrow para be Twitter te film bona bondh kora kobor toh janai thishe. UK te “Dominion”, toh bona kotom hoboli tin(3) hafta neshina thaka, Hollywood projects pithor te tangor ekta ase hoilebi coronavirus bemari para rokai thishe.  Lead cast Chris Pratt and Bryce Dallas Howard toh “Jurassic World” series te third film te aro wabas ahiase. Etu film toh 1993’s laga original stars “Jurassic Park”– Laura Dern, Jeff Goldblum aro Sam Neill be thakibo                                                                                                                                                                                                                                                 .