Guitar legend Eddie Van Halen, cancer para morishe

October 8, 2020. Guitar legend Eddie Van Halen, cancer bemar para morishe. 65 umer, legendary guitarist toh cancer bemar logot besi din larai kori thakina, Tuesday din te bemar para toh morishe. Wednesday din te, tai laga chokra para khobor toh junai thishe. “ami etu lekiboli besas nai, hoilebi moi laga baba Edward Lodewijk Van Halen, aji pujur besi din cancer bemar thikina morishe”, koikena Wolf Van Halen para koishe. “tai toh ami laga sobse bhal baba thakishe aro tai ke stage te aro stage laga bahar te sob shared kori thakishe. Ami laga mon beya kori thishe, aro ami recover hobo nai nejani. Ami tui ke besi morom ase, Pop”, tai lekishe. Late guitarist toh “finger-tapping” –guitar tuita hath para mara te, piano neshina te besi famous thakishe. Tai ke guitars mara te jani koishe.