Arjun Kapoor COVID-19 para bhal hoishe

October 7, 2020. Wednesday din te Actor Arjun Kapoor para koishe ke, tai ke COVID-19 negative tested paishe, tai virus bemar para thurikena ek moina oper thakishe. 35 umer actor ke COVID-19 bemar toh September 6 darik te paishe aro home quarantine kori thakishe. Statement ekta Instagram te posted kora toh, Kapoor para koishe ke, tai “full bhal hoishe” aro kaun manuh khan para tai ke wish korishe, danyabad thishe. “Hi! Ami besi kushi ase, coronavirus negative tested paishe. Ami bhal wala ase, full para bhal hoishe aro ami kam te wabas ahiboli besi kushi ase. Sob manuh ke danyabad kori ase” koikena actor para lekishe. Kapoor para tai COVID-19 bemar nathora agae te, tai laga latest film bonai thakishe. Tai laga project toh Kaashive Nair para directed kora ase, aro stars khan toh Rakul Preet, John Abraham aro Aditi Rao Hydari. Etu project toh T-Series aro Nikkhil Advani’s Emmay Entertainment and Abraham’s JA Entertainment para produced korishe. Kapoor koishe ke, manuh khan virus ke “serious” loboli lage, aro hotai mask lagabo lage. “coronavirus toh sob manuh logot pheli koikena manuh khan janiboli lage, pura hobi chokra, etu nemite morom para hotai mask lakai na thakibi”, tai koishe. Actor para aro Brihanmumbai Municipal Corporation (BMC) khan logot be support kora nemite saman dishe.