October 13, 2020. Actress Rhea Chakraborty, kaun para actor boyfriend Sushant Singh Rajput ke motob para morai thishe, Monday din te tai laga ghor osor manuh para media logot “mesa” khobor deya nemite CBI ke action loboli koshe. Ekta chite te CBI special team, Nupur Sharma logot Chakraborty para koishe ke, tai laga ghor osor manuh Dimple Thawani para mesa kowa toh, Rajput para Chakraborty ke tai laga ghor suburban, Mumbai te June 13 darik te pongchai dishe, Sushant Singh mora agae din te thakishe koishe.“Dimple Thawani para ami laga oper te mesa kotha koikena investigation toh beya korishe. Kotha toh, Sushant Singh Rajput para June 13 darik te ami laga ghor te car para pongchise kowa toh mesa ase,” koikena Chakraborty para cheti lekina, tai laga lawyer Satish Maneshinde dishe. Thawani logot khobor loboli kora samay, tai jawab deya nai. Ami koiase ke, mesa khobor deya te sections 203 aro 211 te, Indian Penal Code pithor te sajaa toh 7 saal jail ase koikena, cheti para koishe. Chakraborty aro tai laga ghor manuh khan ka Bihar police para Rajput suicide case toh Central Bureau of Investigation (CBI) logot dishe. Chakraborty ke Narcotics Control Bureau (NCB) para drugs cases nemite September moina te thurishe. Hoilebi, jaa hafta Bombay High Court para Chakraborty logot bail dishe.
Add Comment