Rajan, 87 umer te morishe

New Delhi: October 13, 2020. Kannada music bona manuh Rajan Rajan-Nagendra, laga Rajan toh tai laga ghor Bengaluru para, 87 umer te morishe. Rajan toh Nagendra laga tangor dada thakishe, aro tai jun melikena Kalyanji-Anandji logot thakishe. Aro tai jun para popular singers Kishore Kumar, S.P. Balasubrahmanyam aro Chitra, logot kam kori thakishe. Nagendra toh 2000 saal te stroke para morishe. Ranjan aro tai dada Nagendra para kam korikena besi nam tangor paishe. Media logot kotha kora samay, Ranjan laga chokra Ananth para koishe ke, tai laga papa toh gastric bemar para morishe. Ghor manuh para reporters logot kowa toh, Rajan toh gastric nemite complain kori thakishe aro rati te be nakoma agae te koishe. Rajan-Nagendra tui jun melikena Kannada te tangor music kamyaab hoishe. Aro tai jun para southern music industry toh 1970s para  90s saal dak hokom korishe. Tai jun laga bhal gaana toh films neshina  “Gandhada Gudi”, “Nyayave Devaru”, “Na Ninna Mareyalare”, “Devara Gudi”, “Bhagyavantaru”, “Eradu Kanasu”, “Naa Ninna Bidalaare”, “Hombisilu”, “Bayalu Daari”, “Pavana Ganga” aro “Giri Kanye” aro dosura Kannada te be ase, aro etai be aji laga jawan khan besi kushi pai thaki. Ranjan toh SLN School te borishe aro etu beche Central High School te thakishe, etu samay tai state-level violin competition te first paishe. Rajan aro Nagendra toh 1952 saal te “Swobhagya Lakshmi” logot independent music directors hoishe.