New Delhi: October 13, 2020. Monday din te Top filmmakers aro producers khan para konuba media houses logot khobor mesa-mesi deya nemite Delhi High Court te lawsuit filed korishe, koikena Bar and Bench para janai thishe. Etu suit filed kora toh 34 production houses para koishe ke, konuba channels khan para kowa te “Bollywood te litera thaka toh sapa koribo lage”. “desh te sobse litera industry as” koishe. Lawsuit toh Republic TV, Arnab Goswami aro Pradeep Bhandari aro Times Now laga anchors Rahul Shivshankar and Navika Kumar kelaaf te korishe.
Etu Suit te, tai khan logot Bollywood aro tai khan laga manuh ke kotha beya nahoile nam naloboli lage aro Bollywood manuh logot media trials naloboli lage koishe. Suit para news channel khan ke Programme Code hokom manibo lage aro Bollywood manuh khan oper ten am loikena kotha beya lekina thaka toh wabas othaboli koishe. Complaint kora khan toh charta(4) industry laga associations aro 34 producers khan samil ase koishe. Karan Johar, Yash Raj, Aamir Khan, Shah Rukh Khan aro Salman Khan laga Production companies toh etu cases te ase koikena NDTV para junai thishe.
Add Comment