November 3, 2020. Actor Eddie Hassell, ke 2010 film “The Kids Are All Right” aro the TV series “Surface”, te starring ola nemite manuh besi para tai ke bhal para jani. Tai ke Texas te gooli para marishe, etu samai tai 30 umer thakishe. Deadline laga khobor hesab te Actor Eddie Hassell ke stomach te tai laga girlfriend laga Grand Prairie bahar te marishe. Etu Texas te ase aro Sunday pujur 1.00 am samai ase. Actor laga girlfriend toh ghor te thaka samai hoishe, hoilebi tai para mara manuh khan toh jenanai. Hassell toh Texas laga manuh ase aro tai para 2000 aro 2010 saal samai film besi bonaikena ase, sobse bhal toh “The Kids Are All Right,” etu film te starring toh Julianne Moore aro Mark Ruffalo ase. Etu film toh 2011 saal te best picture Academy Award nemite junishe. Tai laga dosura films toh 2012 saal laga “The Family Tree,” 2013 saal Steve Jobs biopic “Jobs,” “Family Weekend”, “House of Dust,” “Warrior Road” arp “Bomb City” thakishe.
Actor laga last film toh 2017 saal te “Oh Lucy!” bonaishe. Television te tai olalaka shows toh “Studio 60 on the Sunset Strip,” “Jimmy Kimmel Live!,” “Oliver Beene,” “Joan of Arcadia,” “‘Til Death,” “Southland,” “Bones,” “Devious Maids” aro “Longmire” .
Add Comment