Goo Goo Dolls para first holiday album bonaishe

(CNN) November 3, 2020. Goo Goo Dolls para holiday album olai ase. Hoilebi lead singer John Rzeznik nemite simple ase. “ami Christmas bhal laki” koikena tai para CNN logot interview samai koishe. Rzeznik toh, 90s saal para nam besi tangor hoishe. Rzeznik koishe ke, holiday season bhal laka oper te Covid-19 bemari para tai mon choishe aro Brad Fernquist aro Jimmy McGorman meliboli parishe. “ami laga hesab te 2020 saal toh sobse beya ase aro manuh khan nemite be beya ase” Rzeznik koishe, “ami besi alak hoboli mon ase aro manuh para alak bapana kori thiboli mon ase”. Album nam “It’s Christmas All Over,” te 10 gaana ase, etu oper te “Let It Snow,” logot tuita original toh “This is Christmas” aro “You Ain’t Getting Nothin’.” Tai koishe, tuita gaana toh tai laga 3 saal bacha para kowa laga ase. Rzeznik para Goo Goo Dolls toh 1985 saal te bonaishe aro etu oper te bassist Robby Takac aro drummer George Tutuska, thakishe. Etu beche group toh asti para gaana bonaishe aro bahar be jaishe. Rzeznik para koishe ke, desh toh dhuk ase aro politically alag-alag kori thishe, hoilebi tai music te besas ase aro etu para manuh khan ke aro melatibo. “desh toh alag-alag hoilebi, manuh besi para nahoile konuba thousand beshina khan para room te jaikena gaana honibo aro besi manuh para duniyaa te hoiase nejani”, tai koishe.