Film Bachchan Pandey January te olabo

New Delhi: November 3, 2020. Akshay Kumar laga film Bachchan Pandey toh January 2021 te olaboli ase koishe. Etu film te actress Kriti Sanon para Akshay logot lead role koribo, family manuh khan nemite film toh action, comedy, romance aro dosura besi thakibo. Olop din agae te film Bachchan Pandey toh etu saal May moina te olabo thakishe, hoilebi COVID-19 bemari nemite film toh thiri hoishe. Khobor hesab te, coronavirus bemari thaka nemite film toh hoshari kam thakina bonabo. Kam kora manuh khan be doctors osor te thakina koribo. Chaka toh Rajasthan’s Jaisalmer thakibo aro etu 60 din neshina samai lobo. Etu film toh boila para fans khan pithor te social media te popular hoikena ase. Akshay toh gangster, journalist aro  director role lobo. Khobor para koishe ke, Bachchan Pandey toh South blockbuster Jigarthanda film laga aro bona ase. Akshay Kumar aro Kriti Sanon eke logot film bona toh first time nahoi, boila be tai jun para Housefull 4 be bonaikena ase.