November 4, 2020. Actor Faraaz Khan kaun Rani Mukerji laga film Mehndi te ola toh morishe. Tai logot bemar besi thakishe. Actor laga family toh elaj nemite poisa otai thakishe. Superstar Salman Khan para actor ke motob korishe. Hoilebi, 46 umer samai tai larai toh harishe. Pooja Bhatt para tai mora nemite saman dishe aro khobor toh fans logot janai thishe. “besi mon dhuk as eke #FaraazKhan para manuh sob ke jarikena jaishe. Tui khan sob laga motob nemite kushi janai ase. Morom para tai laga family ke bapana aro parthana te yaat koribe. October 14 darik te Faraaz toh dimak te tin paar herpes infection hoishe aro chest para howa ase. Etu nemite tai logot pneumonia be thurishe. Bengalure hospital te bemar logot laria kori thakishe. Actor nemite ghor manuh para poisa othai thakishe. “Faraaz ke Vikram hospital, emergency ward te admitted korishe, etu samai chest para soru korina dimak te tin paar herpes infection nemite jokom thakishe. Olop din beche tai ke pneumonia paishe,” koikena family para statement te koishe. Faraaz Khan para Bollywood te first aha toh Vikram Bhatt’s 1996 saal thriller “Fareb” ase aro film besi tai tangor role loishe. 1998 saal, film Mehndi te Rani Mukerji logot be act korishe.
Add Comment