November 5, 2020. Bollywood actor Vijay Raaz ke Gondia police para thurikena ase. Tai para Hindi Film “Sherni“ bonai thaka samai co-actor maiki ekta ke molest kora nemite ase. Tuesday din Maharashtra laga Gondia chaka te police para actor ke thurishe aro local court osor te loikena jaishe. Hoilebi, etu beche court para tai ke bail thishe aro koishe ke, ketai investigating officer para matibo etu samai thakiboli koishe. “Film Sherni te kam kora maiki ek jun para Vijay Raaz para molest korishe koikena complaint kora nemite. Ami khan para cases registered korikena thurishe,” etu khobor toh Gondia laga Additional SP, Atul Kulkarni para janai thishe. Case toh Section 354 (A aro D) Indian Penal Code pithor te registered korishe. “Sherni” te Vidya Balan para lead role loishe, aro etu film toh Madhya Pradesh laga forest chaka te bonaishe. Crew members khan toh Gondia te hotel te thakishe, etu chaka para jamila toh olaishe. Bollywood soru kora toh Ram Gopal Verma’s “Jungle para hoishe, aro tai Mira Nair’s “Moonson Wedding”
“ te be nam besi tangor paishe. Tai laga bhal film toh “Delhi Belly” Gully Boy “Bhopal Express”ase aro etu saal release kora film toh “Gulabo Sitabo” aro “Lootcase” ase. Etu khobor oper te actor para statement eku janai natikena ase koishe.
Add Comment