System of Down para 15 saal beche gaana olaishe

(CNN) November 7, 2020. System of a Down kahn para notun gaana olaishe. Hoilebi, keli etu khobor toh kam ase koile, notun gaana ola toh 15 saal thakai beche howa nemite. Tuita singles,  “Protect the Land” aro “Genocidal Humanoidz,” Friday din te olaishe, aro etu gaana toh Armenia Fund te jaboli ase, keli koile group band  Serj Tankian, Daron Malakian, Shavo Odadjian aro John Dolmayan khan toh Armenian manuh ase.  Group para tuita gaana laga matlab toh BandCamp te lekishe, “etu tuita gaana, “Protect The Land” aro “Genocidal Humanoidz” toh Artsakh aro Armenia te larai kora nemite tai khan laga cultural chaka toh pachabo nemite.” Aro koishe ke, “ami khan etu gaana toh share kora nemite besi kushi ase aro besas ase ke tui khan etu honikena kushi hobo. Aro etu oper te, tui khan logot etu purikena jani thiboli mon ase, keli koile etai human rights oper te kelaaf jaiase. Aro manuh khan para donate kori thibo mon ase, chotu para nahoile tangor para hoilebi dhuk hoi thaka manuh ke motob koribe thibe”. System of a Down khan laga first album toh 1998 saal te olaishe, etu beche tai khan ke 2001 saal laga hit album “Toxicity.” nemite  duniyaa para janishe. 2005 saal te, band laga tuita(2) album toh No.1 chart te othishe. Tai khan beche 2Pac, The Beatles aro DMX khan be othishe. 2006 saal te, tai khan laga gaana “B.Y.O.B.” toh Best Hard Rock nemite  Grammy Award paishe.