‘Jeopardy’ host Alex Trebek morishe

November 9, 2020. Besi din para American game show ‘Jeopardy te olai thaka manuh Alex Trebek Sunday phujur te morishe, tai 80 umer thakishe. Alex toh ek saal oper cancer bemar thakishe koikena show para janai thishe. Twitter te post te lekishe ke, aji phujur Alex Trebek toh tai laga ghor te aram para jaishe aro tai osor te ghor manuh aro sati khan thakishe. Alex apuni logot besi kushi ase koikena show para koishe. Trebek para Jeopardy show toh 40 saal neshina kam korishe. Jaa saal March 2019 te, tai toh stage IV pancreatic cancer ase koikena The Hill para janaishe. “United States te hotai saal 50,000 manuh logot thaka neshina, etu hafta ami ke be stage 4 pancreatic cancer thurishe,” Trebek para koishe. Tai cancer elaj kora samai game show toh bonai thakishe aro  jaa saal summer moina te 36th season show te thakishe. Sony Pictures Entertainment laga Chairman aro CEO,Tony Vinciquerra para Trebek logot “purana manuh aro Sony Pictures family laga member ase” koikena statement ekta te koishe. “37 saal nemite Alex para kam korikena aha te duniyaa laga millions manuh logot kushi hoikena thakishe. Ami khan tai logot besi miss koribo, tai aro koishe.