November 11, 2020. Sob manuh para jani thaka film-bona manuh Jiban Bora, tai laga ghor Assam’s North Lakhimpur te besi din para bemar hoi thaka morishe. Jiban Bora toh 89 umer thakishe. Besi manuh para tai mora oper te North Lakhimpur Government HS School playground aro Nata Sainik office in North Lakhimpur , Tuesday din saman dishe. Tai ke Panigaon, Panigaon Pragati Sangha te president kori thaka chaka teloikena jaishe. Tai laga last saman deya toh Tuesday sam North Lakhimpur te thakishe. Bora toh Indian Peoples Theatre Association (IPTA) te be samil thakishe, aro tai laga tuita(2) blockbuster Assamese movies, Opaja Sonar Mati (1972) aro Polashar Rang (1976) para jani thakishe. “Opaja Sonar Mati” toh Brajen Baruah para directed kora ase aro National Film Award be paishe. Tai Assamese actor Abdul Mazid aro playwright, Mahendra Borthakur logot besi melikena kam kori thakishe. Jiban Bora toh November 14, 1931 saal, Panigaon, Lakhimpur te jonom paishe. Bora para arp independence movement 1944 para 1947 saal dak student leader neshina kam korikena ahishe. Tai, JB College aro Assam Agriculture University, Jorhat para passed howa beche, state agriculture department te phurti korishe. Bora para Lakhimpur Cine Club te president 2008 saal para namora dak korikena ahishe. Tai ke 2012 saal te Jeewan Ram Mungi Devi Goekna Lifetime Achievement Award toh state directorate of cultural affairs para thishe. Tai para leka novels, translations aro cinema laga kitab khan besi ase koishe.
Add Comment