Agencies, 15 November: International Olympic Committee (IOC) President Thomas Bach toh Sunday din Japanses capital te ponjishe. Tai tati ponja toh jar din nemide postponed howa Olympic games laga daiyari top Japanese officials (Prime Minister Yoshihide Suga be melikena) logode shaijabo nemide ase.
Tokyo 2020 organising committee para Friday te Bach para former Japanese Prime Minister Shinzo Abe ke Olympic Order toh Monday din Japan Olympic Museum jaga te award koribole ase koise.
Kyodo news agency hisaab te, Bach toh Monday din Suga logode lok kora thakibo. Etu bechide tai Tokyo Governor Yuriko Koike ke lok koribo aro Tokyo 2020 president Yoshiro Mori logode join press conference te nathaka agae te organizing committee officials logode kotha koribo.
Organisers khobor hisaab te, IOC chief be Tuesday afternoon te Olympic village aro Olympic Stadium te lok koribole scheduled ase. Olympics toh ahibole sal July 23 para August 8 tak lobole bonai kena ase. Etu agae te Olympic toh pandemic nemide postpone howa thakise. Hoilebe jaija olob moina leading health experts para Games toh virus nemide dawai nathakikena lobole paribo na naparibo doubts howa janaideya thakise.
Hoilebe Bach para tai toh desh para pandemic nemide ahibole laga Olympics te cancel koribole bonabona nai aro athletes ke be positive test hoise koilebe bondh nakora thakibo koise.
Add Comment