Agencies, 22 November: South Africa’s Dale Steyn toh Lanka Premier League (LPL) nemide Kandy Tuskers squad te join hobo. Inaugural edition toh Thursday para suru hobo. Franchise para tai khan laga official Twitter te koise, “Ami khan be khobor janaidebole echa howa toh, ekta ektum phal bowlers Dale Steyn toh Kandy Tuskers squad te join hobole ase.
Etu agae te, Zimbabwe’s Brendan Taylor toh tournament nemide squad te join howa thakise. Suru match te Tuskers toh Colombo Kings ke lok koribole ase.
Chris Gayle aro Liam Plunkett toh Tuskers nemide khelibole thaka ase hoilebe event para olaishe. Pakistan laga Shoaib Malik toh LPL te franchise nemide khelibole thaka ase hoilebe tai ke COVID-19 nemide positive test olaishe. Etu nemide franchise para tai laga joldi recover hobole aro LPL nemide thek samai te korai ahibole biswas kora janaishe.
Kandy Tuskers, Galle Gladiators, Dambulla Hawks, Colombo Kings aro Jaffna Stallions toh tournament te hisha lobole five teams ase.
T20 tournament te 23 matches thakibo aro hotai din double headers toh semi-final tak khela thakibo. Semi toh December 13 aro 14 te khela thakibo.Final toh December 16 te thakibo. Sob match toh Mahinda Rajapaksa International Cricket Stadium, Hambantota te khelibo.
Add Comment