Agencies, 27 November: Premier Badminton League (PBL) laga sixth edition toh Friday te aha sal nemide postpone korise. Etu toh COVID-29 pandemic gara thaki thaka samai players laga health aro safety yaat rakhikena ase.
Etu toh duniya te ekta sobse besi prize money badminton tournaments ase. Etu toh December laga last hapta te Deli, Mumbai aro Pune te lobole thaka ase. Hoilebe SportzLive, league laga official license holder Badminton Association of India (BAI) laga aegis pithor te thaka para thaki thaka conditions nemide event postpone koribole fesla korise.
Duniya te sporting asti para korai aha logode, organizers toh aha sal season lobole echa te ase.
Prasad Mangipudi, MD, SportzLive para PTI ke tai khan toh five sal nemide December-January te window powa te gopal ase hoilebe COVID nemide jevaan toh upside down hoise koise. International travel be December 31 tak nemide bondh ase, etu be ekta dekthari ase koise. Etu samai te ami khan toh players laga safety opor te bhabona koribo lakae koise.
Etu sal jarta cities te tournament laga fifth edition toh January 30 to February 9 tak lowa thakise.
Mangipudi toh international travel restrictions phal hobole aro ahibole sal chese toh vaccines laga announcement logode phal hoijabole bhabona/biswas te ase.
Pandemic nemide BWF para Asian leg aha sal nemide re-scheduled kora te Asia Open I toh January 12-17 te lobo aro etu bechide Asia Open II January 19-24 aro BWF World Tour Final January 27-31 te lobo.
Add Comment