Washington, United States: Sunday phujur northeastern Texas church te bantok para 1 jun ke morai-dishe aro dosura 1 jun jokom paishe, koikena officials khan para koishe. Texas Governor Greg Abbott para statement te koishe, suspect manuh ke Starrville Methodist Church, Winona town te hamla kora beche thurishe. Khobor sob toh jolti powa nai, hoilebi ABC affiliate KLTV para kowa toh restroom te 1 jun manuh lokai thaka nemite church’s pastor para tai laga bantok toh olai thaka samai etu manuh para bantok othaikena moriashe. KLTV para koishe, etu manuh ke aro jena nai, hoilebi tai toh jaa rati larai te samil ase. Khobor para aro koishe, etu manuh ke be mari thishe koishe. Abbott para koishe, “justice thibo aro Starrville community toh hotai sami motob lagai samai thakibo”. Winona toh 100 miles (160 kilometers) east Dallas osor te ase aro etu jaga te 525 neshina manuh khan ase. Puila te samai te be Texas te dosura church te besi hamla hoikena ase. November 5, 2017 sal Sutherland Springs Baptist church te bantok para 26 manuh ke moriashe aro 20 manuh jokom paishe. State history te etu hamla toh sobse beya thakishe. Hamla kora Devin Patrick Kelley toh olop bechete morikena paishe koishe.
Texas Church te 1 jun ke moraishe
