AGENCIES: Pakistan cricket team’s khan England te jabole thaka toh dui din akhe kuridishe etu bi Pakistan super league final June 24 abu dhabi te lobule thaka nimete
PSL toh akhe te June 20 te khotom kuribole thakishe aro national team khan toh England nimete june 23 te jabole thakishe etu bi tinta ODIs aro tinta twenty20s khelibole nimete.
Hoilebi etu te PSL final toh char din akhe kura nimete national team khan England nimete june 25 te jabo .etu te first ODI toh july 8 cardiff te khelibole ase.
Abu Dhabi para bachikena thaka PSL laga 20 games khelibole ase etu bi Pakistan’s premier domestic twenty20 league toh postpone kura pichede march te etu te bishi wala players aro support staff kha covid19 positive paa pichede.
Pakistan Cricket Board otoh bhabona kuri ase PSL toh june 7 para shuru kuribole nimete etu te United arab emirates khan para manishe koile toh Wednesday te tai khan laga production crew members nimete Sheikh Zayed Stadium Abu Dhabi June 5 te kaam shuru kuribole nimete.
Players aro team officials khan etu choita franchise para abu dhabi te juwa haafta punchise chartered flights Pakistan te para.tai khan laga saat din isolation toh Wednesday saam te khotom kuribo etu pichede PCB para koikena janaishe players khan abu dhabi te training suru kuribo.
