AGENCIES:Indian wrestlers khan aro ekta doping kisaa te ahise Olympics nohoa akhe te etu bi ekta Tokyo bound grappler ke bondh huwa substance te positive paa nimete.etu United World Wrestling (UWW) para etu wrestler ke suspend kurishe etu bi anti-doping rule violation nimete Thursday din para shuru kurikena .etu toh janikena ase.
Eight indian wrestlers charta mota aro charta maiki khan Tokyo Olympics niemte qualify kurishe kuntu toh July 23 para shuru kurise.hoilebi etu wrestler bhaagh lobule laga toh etia najanaikena ase aro desh khan risk te ase etu failed dope test nimete ekta quota haribole thaka toh.
Etu wrestler laga identity toh lokaikena ase etu pending ‘B’ sample test thaka nimete.etu Wrestling Federation of India (WFI) para koikena janaishe tai khan etu hadsaa laga kisaa toh najanikena thakishe etu te National Anti-Doping Agency (NADA) khan toh kotha kurikena thaka nai.
Wrestling toh india laga ekta sobse dangor medal sport ase aro podium te ahise tinta Olympics (2008, 2012 and 2016) te.
Etu eki samay te etu toh ekta sport ase bishi wala doping cases khan thakikena.NADA 2019 2020 records hisaab te wrestling toh ektas sport ase third-highest anti-doping rule violators athlete aro weightlifting pichede .etu te etu samay te 12 rule violations olaishe.
Etu toh second consecutive Olympics ase indian wrestler toh dope test te failed huwa toh Olympics nohoa akhe te.rio Olympics nohoa akhe paanch sal akhe te Narsingh yadav toh drug test failed kurishe etu toh indian sport laga dangor scandals hua pichede.yadav kun ke chunishe bishi lamba court te jaka ra ola pichede two-time Olympic medalist Sushil Kumar tai laga rivals ke tai laga khaa luwa te spiking kura niemte bodnam kurishe.
Tai ke NADA para saa pichede yadav ke rio Olympics te jabole diaani et u bi World Anti-Doping Agency para etu decision t e kotha kura pichede.tai ke etu pichede char sal suspension dishe kuntu toh juwa sal khotom hoishe Yadav toh wapas ahise aro Tokyo Olympics te qualify kuribole kosish kurishe hoilebi kuribole paranai.
