AGENCIES: India’s Aishwary Pratap Singh Tomar toh 10m air rifle event ISSF World Cup Thursday din laga mens final te seventh te khotom kurishe aro desh laga maiki shooters khan qualifying round te ghussibole paranai.
20-year-old Aishwary toh 628 laga score qualification round te khotom kurishe aro komti hoilebi 143.9 score kuribole parishe etu bi final mens 109 air rifle event te hatijaa pichede.
Deepak Kumar (626) and Divyansh Singh Panwar (624.7) toh final te ghussibole paranai etu bi final te 14th and 25th qualifying round te.
Aro ekta biyqa show te etu trio ace shooters Anjum Moudgil, Apurvi Chandela and Elavenil Valarivan toh finals te ghussibole paranai womens 10m air rifle event te.
Etu sob choita shooters khan toh Tokyo laga Olympic games nimete jabole ase. Apurvi toh best result thakishe tinta maiki logote 24th te khotom hoishe 624.2 score logote.
Aro anjum para 622.3 42nd qualification, Elavenil (621.2) two-point penalty paishe etu bi ekta score thik para ola toh.
21-year-old Elavenil, junior World Cup gold medallist toh score kura toh komti hoilebi 623.2 points 35th te khotom hoishe hoilebi etu duita point penalty para tai ke 55th spot te luijaishe.
ISSF rules hisaab te judi etu Results, Timing and Scoring (RTS) jury para dikhaishe koile toh ekta protested shot toh thik para score kurishe koile toh ekta duita point penalty toh lagaishe.
