Agartala: 75th Independence Day laga din akhe te 4 jun Bangladeshi nationals ke Maharaja Bir Bikram (MBB) Airport te para Friday din thurishe. Etu foreigners khan toh forged identity cards loikena Chennai te jaboli thaka samai, police para thurishe. State intelligence laga khobor hesab te police para etu manuh khan ke airport te thurishe, etu samai tai khan para Indian manuh ase koikena Indian Aadhar cards thika samai fake thakishe koishe. Etu 4 jun manuh toh Dulal Sheikh, Yusuf Sheikh, Aminul Sheikh aro Rejabul Sheikh thakishe. Tai khan ke thura beche Airport police station te interrogation nemite loikena jaishe. Airport Police station laga officer in-charge, Sukanta Sen Chowdhury para koishe ke, police logot khobor toh paishe aro 4 jun Bangladeshi nationals toh MBB airport para Chennai jaboli thakishe. “etu manuh sob logot valid tickets thakishe. Hoilebi security checks kora samai tai khan laga Aadhaar Cards toh fake thakishe. Etu samai ami khan laga police station para police team ekta jaga te jaikena tai etu manuh khan laga asol nam toh jenishe,” koikena ,” Mr Chowdhury para aro janaishe. Tai para aro koishe ke, preliminary interrogation kora samai etu manuh toh Indian territory te illegally ahishe koikena koishe. Police para koishe ke, security toh Independence Day celebration nemite alert te ase aro BSF khan be Tripura laga border 856 Km te hoshari para thaki ase.
Tripura Airport te 4 Bangladeshis thurishe
