GUWAHATI: Shillong te jamila jai thaka samai, Meghalaya Governor Satya Pal Malik laga escort gari te Tuesday saam Mawlai jaga te hamla korishe koishe. Etu incident toh 4 pm neshina samai highway te escort gari toh Guwahati Airport para Raj Bhawan, Shillong te ahi thaka hamla korishe. Tuita(2) police escort gari aro tuita(2) Raj Bhawan laga gari toh neja manuh khan para pathor marikena beya korishe. Hoilebi etu samai manuh jokom howa laga khobor toh eku nai. Meghalaya te former HNLC rebel Chesterfield Thangkhiew logot morai deya beche jamila besi jai ase. August 15 darik te Shillong laga Chief Minister Conrad K Sangma ghor te petrol bombs thali thishe. State government para 4 district te internet connectivity suspended korishe aro etu oper state te law & order halat beya hoi thaka nemite itya curfew junaikena ase.
Meghalaya governor Escort gari te hamla korishe
