August 19, 2021. Wednesday din te Mizoram excise aro narcotics department official para 4 jun drug peddlers logot south Mizoram’s Siaha town te heroin Rs 3.5 lakh laga daam thurishe koishe. Tai para koishe ke, excise aro narcotics department para India-Myanmar border Bualpui (NG) Road te 11:40 pm samai checking korikena heroin124 grams toh etu 4 jun laga hath para thurishe koishe. Accused nam toh Gospel Vanlalliana (26) umer aro Vanlalngheta (24) umer, tai jun be Champhai district, Bulfekzawl bosti laga manuh ase aro Runkianlova (41) umer toh Champhai town para ase aro Thanglianmunga (48) umer toh Aizawl’s Bawngkawn jaga laga manuh ase koishe. Maruti Alto car ekta para contraband transport kora samai jowa toh be officials para thurishe koishe. Etu 4 jun ke toh The Narcotic Drugs & Psychotropic Substances Act, 1985’ section pithor te booked korishe koish. Excise and Narcotics department officials para aro Rangvamual jaga osor te check korishe aro etu samai liquor factories aro local daru thurishe, koikena officials para janaishe. Etu samai, excise aro narcotics department para statement te koishe ke, komti hoilebi 37 manuh pithor te 3 jun maiki manuh khan tooh etu saal January aro August 17 darik dak te drug lowa nemite morikena ase. Department para aro heroin 9.93 kg, 25,609 litre locally brewed liquor aro drug cases te 1,877 manuh etu eke samai thurishe, koikena statement te aro janaishe.
India-Myanmar border te 4 drug peddlers logot 3.5 lakh heroin thurishe
