GUWAHATI: Assam te 24 gonda majot te aro Covid-19 bemar para 10 jun morishe aro etu samai 336 notun positive cases thura khobor paishe. Etu khobor toh Assam chief minister Himanta Biswa Sarma para Sunday rathi junaishe aro aro etu notun cases toh 35,580 tests lowa te thura ase koishe. Chief minister Sarma para aro koishe ke, State te Sunday din dak te sob melaikena positive percentage toh 0.94% te ase. Notun cases thura te Kamrup Metro district te 87 cases thurishe. Bemari manuh tai khan 100 neshina puila Covid-19 bemar thaka toh Sunday din te bhal hoishe. Sunday din aro Assam laga sob melaikena recovery rate toh 97.67% ase. “Summary of 22/8/2021 – Today’s Total 336; Overall Positivity Percentage (336 cases out of 35,580 test done = 0.94%); Kamrup(M) 87; Death 10; Recovery Rate 97.67%,” ase koikena, chief minister Sarma para aro janaishe. Saturday din te Assam te sob melaikena Covid-19 bemar para 15 jun morishe. State te sob melaikena 640 notun positive cases ase. State te Covid-19 positivity percentage toh 0.77% hoikena ase. Sunday din Kamrup Metro district 126 notun cases khobor paishe aro etu samai recovery rate toh 97.64% thakishe. Saturday din te sob melaikena 91 health care workers aro 555 frontline workers logot COVID-19 vaccine doses thishe. India te 24 gonda pithor te sob melaikena 52 lakh Covid19 vaccine doses oper thishe. India te 24 gonda pithor 30,948 new Covid19 cases khobor paishe. Itya India laga active caseload toh 3,53,398, te ase aro etu 152 din pithor te sobse komti wala khobor ase. Active cases toh total cases majot te 1.09% te ase, etu March 2020 beche sobse komti ase, koikena Union health ministry laga data hesab te share korishe.
Assam te 336 notun positive cases aro 10 jun morishe
