SHILLONG: Friday din te Mawphlang MLA Syntar Klas Sunn, besi din bemar hoikena morishe koishe, tai laga umer toh 62 thakishe. Syntar Klas Sunn toh Public Health Engineering (PHE) laga chief engineer thakishe aro tai 2018 Assembly elections te independent candidate te contested korikena polls te kamyaab hoishe. Etu beche tai toh aro United Democratic Party (UDP) te joined korishe aro Meghalaya Democratic Alliance government, National People’s Party logot melishe. Sunn toh aro Assembly’s Committee, Environment te chairperson be thakishe, MLA Sunn mora khobor honikena Meghalaya chief minister Conrad K Sangma besi mon duhk hoishe. “ami Sh. S K. Sunn, Hon’ble MLA of Mawphlang, morai khobor honikena besi mon dukh ase,” koikena chief minister Sangma para janaishe. Chief minister Sangma para koishe ke, Sunn toh manuh besi bhal thakishe aro tai para public nemite kam bhal besi korikena ase”. Bah Sunn para tai laga duty besi bhal te kori ahishe aro tai para manuh oper te kam korikena aha toh ami tai oper te besi kushi ase. Ami laga mon dukh kotha toh tai laga family, loved ones & admirers logot janai ase,” koikena chief minister Sangma para aro koishe.
Meghalaya: Mawphlang MLA SK Sunn morishe
