Mumbai, 21 November : India laga afsos haar piche ODI World Cup 2023 final dey Australia lsga khilaf Sunday dey, former ‘Men in Blue’ spinner Harbhajan Singh para cricket fans ke hudishey Aussie cricketer khan aro taikhan laga khantan ke troll nakuriboley. Harbhajan para tai laga official X (agey dey Twitter) account dey jaishey aro likhishey ki World Cup jitia khan laga khantan ke troll kuria toh bishi biya taste asey.
Tai para haalishey ki taikhan final dey taikhan logot bhaal wala team khilaf haarishey huilewi cricket fans para alag khan ke itu karney troll nakuribo lagey.
Tai khotom dey kuishey ki sanity aro dignity toh bishi zaroorat asey.
“Australian cricket khiladi khan laga khantan ke troll kuria reports toh pura puri biya taste asey. Bhaal khilishey huilewi Aussies khan laga bhaal wala cricket khilia khilaf haarishey. Itu hi asey. Kiley khiladi khan aro taikhan laga khantan ke troll kuri asey? Sob cricket fans ke inika aatat kuria charibi kuina request kuri asey. Sanity aro dignity khan hi bishi important asey,” Harbhajan likhisheh X dey.
Australian cricketer Mitchell Marsh ke social media dey troll kurisheh tai laga theng World Cup Trophy ke rakhina ekta photo share kuria karoney.
Match dey ahina, India toh ekta 240 score dey bundle out kurishey 50 overs dey. Ekta dukh batting surface dey, skipper Rohit Sharma (31 balls dey 47 four boundaries aro three sixes logot), Virat Kohli (63 balls dey 54, four boundaries logot) aro KL Rahul (107 balls dey 66, one four logot) important knocks post kurishey.
Mitchell Starc (3/55) toh bowler khan laga pick thakisheh Australia karney. Skipper Pat Cummins (2/34) aro Josh Hazlewood (2/60) bhi bhaal bowl kurishey. Adam Zampa aro Glenn Maxwell ekta ekta wicket paishey.
Kitia 241 khitai thakishey, India para Aussies ke 47/3 niche dey thakishey. Travis Head (120 balls dey 137, 15 fours aro four sixes logot) aro Marnus Labuschagne (110 balls dey 58, four boundaries logot) laga knocks para Indian team ke jawaab nathakina charishey aro taikhan ke ekta six-wicket jeet tak guide kurishey.
Itu World Cup finalists itia ekta five-match T20I series dey khilibo kuntu Thursday dey shuru huwo Visakhapatnam dey.
Add Comment