Guwahati, January 19 : Civil society leader khan Rahul Gandhi para chola Bharat Jodo Nyay yatra ke handle kora te “sarkar laga manmani” kurisey koikina Assam laga sarkar laga khilaf te kara para awas uthaisey.
Etu yatra, kuntu laga maksat tu samaj laga alag alag manu khan ke eksath anibole laga asey, etu yatra tu Assam laga Amuguri te gusa homoitey ekta bhal swagat paisey, hoilebi nutun khobor ola para etu janai asey ki etu yatra organize kora manu aro Assam laga authorities khan majotey jhamila olai asey.
Jorhat te manu bhaga bhagi kora laga aro disturb kora laga eku ghotna olanai, hoilebi etu laga bawajut bi Assam laga sarkar para ekta kara kadam uthaisey. Etu Yatra logotey jurikina thaka dangor aro important leader khan laga against te kanoon laga ekdam kara section khan cholaikina ekta FIR register kurisey.
Etu harkat para manu khan majotey monjur nuhuwa laga olaidisey aro manu khan para Assam sarkar laga opor te sawal uthai asey.
Etu Yatra organize kora manu khan para koisey ki Assam laga sarkar para etu Yatra laga pura journey te alag alag bahana olaikina interfere kuri thakisey. Yatra laga organizer khan para behes kuri asey ki enaka harkat kora tu ekta democratic(sob manu ke aadi diya) samaj laga nyom laga khilaf te asey aro samjhaisey ki Bharat Jodo Nyay Yatra tu manu khan ke eksath anibole aro shanti anibole nimitey jaruri asey.
Assam laga ekta civil society organization, Axom Nagarik Samaj laga president Ajit Kumar Bhuyan para koisey, “ Etu tu ekdam ajeeb asey ki rajya laga ruling party para manu khan ke jama kurikina kotey bi rally kuribo parey, taikhan laga khusi hisap te hoilebi dusra khan para enaka kuribo naparey. Etu tu constitution(desh laga nyom aro kanon) aro democratic(azadi diya) nyom laga khilaf te asey.” Assam laga Bharat Jodo Abhiyaan laga convenor Paresh Malakar para koisey, Amikhan para sarkar laga manmani kora ke kara para condemn kuri asey aro Assam laga sob section laga manu khan ke etu Yatra tu shanti para join kuribole aro etu ke kamyab banabole request kuri asey.”
