Australia, 24 January : Cricket Australia para Wednesday dey ekta 14-member T20I squad janai dishey kuntu West Indies ke ahi thakia three-match series dey samna kuribo kuntu February 9 para shuru huwo. Batting all-rounder Mitchell Marsh ke skipper kuri dishey. David Warner kun Test aro ODI format para retire huishey, T20I squad dey milai disheh. Warner laga alawa, Tim David aro Marcus Stoinis laga naam bhi squad dey haali dishey.
Huilewi, Pat Cummins, Mitchell Starc aro Steven Smith toh taikhan laga workloads manage kuriboley rest kuri dishey T20I series agey dey New Zealand laga khilaf February deri dey.
ESPNcricinfo laga hisab dey, itu Aussie selectors toh taikhan permanent skipper aro faisla kurianai itu 20-over format karney, Aaron Finch toh T20I para 2022 dey retire hua piche dey.
Marsh para Aussie side lead kurishey taikhan laga 3-0 jeet homoi South Africa laga agey. Huilewi, wicketkeeper batter Matthew Wade para team laga charge luishey India dey taikhan laga tour thakia homoi.
Pacer Josh Hazlewood ke bhi T20I squad dey milai dishey kuntu Caribbeans ke samna kuribo 50-over series para rest kuria piche dey.
Hazlewood toh Indian Premier League (IPL) 2024 auctions thakia homoi unsold hua piche dey, itu series West Indies aro New Zealand laga khilaf toh itu 33-saal karney last chance huwo 20-over format dey khiliboleh World Cup nahua agey dey.
Itu agey T20I match, Australia aro West Indies laga bheej dey, February 9 dey khilibo Hobart dey. Itu second aro third khel toh February 11 aro 13 dey khilibo Adelaide aro Perth dey.
Australia laga T20I squad: Mitchell Marsh (C), Sean Abbott, Jason Behrendorff, Tim David, Nathan Ellis, Josh Hazlewood, Travis Head, Josh Inglis, Glenn Maxwell, Matt Short, Marcus Stoinis, Matthew Wade, David Warner, Adam Zampa.
