Agartala, January 25 : Republic Day laga din te Tripura laga 7jun Police para Meritorious Service nimitey aro Distinguished Service nimitey President’s Medal pabole asey.
Home Ministry para aha ekta official order te koisey ki Republic Day 2024 laga occasion te, etu 7jun Tripura Police personnel majotey, 6jun tu Meritorious Service nimitey Medal pabole asey aro ekjun tu Distinguished Service nimitey President’s Medal pabole asey.
Meritorious Service laga medal pabole thaka 6jun Tripura Police tu Deputy Superintendent of Police, Traffic, Dipak Kumar Sarkar ; Inspector of Police, Rana Chatterjee; Sub-Inspector Pintu Majumdar; Subedar Kowstav Bhattacharjee; Naib Subedar Abdul Sahid aro Havildar Binada Jamatia asey.
Aro Distinguished Service nimitey Tripura Police laga Inspector, Debabrata Paul para President’s Medal pabole asey.
Home Ministry para Republic Day laga occasion te bahaduri aro service medal nimitey police. Fire service, home guard, civil defence aro correctional service para 1,132 manu laga naam announce kurisey.
Award pabole thaka manu majotey, Border Security Force laga duijun Head Constable, murija Sanwala Ram Vishnoi aro Shishu Pal Singh ke taikhan mora picheyte President’s Medal for Gallantry (PMG) nimitey chunisey.
Award pabole thaka 1,132 personnel majotey duijun tu PMG pabole, 275 tu Medals for Gallantry (GM) nimitey Medal pabole, 102 tu President’s Medal for Distinguished Service (PSM) pabole aro 753 tu Medal for Meritorious Service (MSM) award pabole asey.
