Mizoram, 27 January : Mizoram governor Hari Babu Kambhampati kuishey ki state government toh son smuggling type upar dey zero tolerance asey.
Republic Day function address kurina, Lammual Aizawl dey itu tricolour khulina, tai kuishey ki Excise aro Narcotics Department toh drug trafficking aro drug abuse laga menace upar dey kaam kuri asey.
Bhaal governance para irregularities komti kuria maintain kurina, manu khan laga self-respect enhance kurey aro taikhan laga talents aro capabilities chulawoley dey, Kambhampati kuishey ki state government toh corruption laga scourge khotom kuri diwoley mun asey.
Kambhampati kuishey ki ahia five saal dey, state government toh responsible aro responsive administration dey focus kuribo, sob sectors steady aro sustainable development ensure kurina, industries support kurina, social security aro social equity dey access ensure kurina, youth welfare aro development, aro environment ke pachaina. Tai para kuishey ki government toh state laga financial haalat bhaal kuriboley committed thakishey.
Four important commercial crops karney Remunerative prices toh — ginger, turmeric, chilies aro broomsticks — fixed kuribo aro procurement toh itu financial saal para shuru kuribo kuntu dey Rs 110 crore earmark kurishey.
