Thailand, 2 February : India laga Ashmita Chaliha para ekta brilliant performance dikhaishey kitia tai Indonesia laga Ester Nurumi Wardoyo ke ekta straight games dey haraishey aro Thailand Masters badminton tournament dey mahila laga singles semifinals dey ghusishey Friday dey. Itu24-saal Chaliha toh khali Indian thakishey fray dey kitia Mithun Manjunath tai laga mota singles quarterfinals haarishey kitia itu mahila laga doubles pairs Treesa Jolly aro Gayatri Gopichand taijun bhi Super 300 tournament para last-eight stage para ulai jaishey. World no. 61 Chaliha, kun qualifiers para main draw tak jaishey, Wardoyo ke haraishey, ranked 44th, 21-14 19-21 21-13 ekta 57-minute match dey.
Itu first game dey Chaliha aro Wardoyo taijun bhi ekta even keel dey ladai kuri thakia dikhi paishey kitia taijun score toh 7-7 aro 8-8 dey tie kurishey, kuntu piche dey itu Indonesian para ekta 14-10 lead luishey. Chaliha para wapis ladai kurishey aro itu ke 14-14 panaishey huilewi tai para itu Indonesian ke seetha seven points luwoley rukhawo parianai kuntu para agey khel luishey.
Assam laga itu khiladi para second khel dey ekta superb fight back dey amend kurishey. Tai six-straight points jitishey 15-19 para second khel jitiwoley aro itu match toh decider dey lui jaishey.
Kitia momentum tai logot jaishey, Chaliha para tai laga opponent ke deciding khel dey outplay kuri dishey kitia tai para tai laga opponent ke ekbar bhi lead luwo dianai. Chaliha para pura jagah lead luishey 12-3 tak aro match ke aasani para khotom kuri dishey.
Chaliha toh semifinals dey match laga winner Thailand laga fourth seed Supanida Katethong aro Chinese Taipei laga Wen Chi Hsu maju dey samna kuribo.
