Spain, 2 Febraury : Barcelona president Joan Laporta para Friday dey kuishey ki ekta European Super League project toh paria tak julti ahia season dey shuru huwo, halishey ki tai hisab nai juti English club khan join kurey na nai. Itu Spanish giants, Real Madrid logot, ekta Super League project 2021 dey launch kurishey kuntu julti bondh huishey ekta fan aro institutional fury piche dey, kitia alag clubs khan ulai jaishey. December dey itu European Union laga Court of Justice kuishey ki world aro European football governing bodies FIFA aro UEFA para competition law infringe kurishey breakaway league ke block kurina.
Super League promoters A22 Sports Management julti ekta notun 64-team tournament karney plan announce kurishey UEFA laga Champions League ke podli kuriboley nahuiley compete kuriboley.
Six Premier League clubs khan itu agey proposal laga ekta part thakishey huilewi ulai jaishey aro wapis ahiwoley eku intention dikhainai.
Laporta kuishey itu project toh khali 16 teams logot shuru kuribo paribo.
Barcelona president para club khan karney option suggest kurishey kun khan Madrid aro Barca logot league join kuribo parey, Inter Milan, AC Milan, Roma aro Italy para Napoli milaina.
Laporta para Porto, Sporting Lisbon aro Benfica ke potential participants kuina naam dishey Portugal, Ajax, Feyenoord para aro Netherlands para PSV Eindhoven, French team Marseille aro Belgian outfits Club Brugge aro Anderlecht bhi milaina.
