Agartala, February 15 : Tripura laga Chief Minister Prof. Dr. Manik Saha para Thursday din te Chief Minister Jan Arogya Yojana (CM-JAY) launch kurisey. Etu tu ekta health insurance asey kuntu para rajya te Rs 5 lakh nohoilebi 4.15 lakh parivar khan ke coverage dibole asey.
Dr. Saha para enaka koisey, “Chief Minister Jan Arogya Yojana scheme tu Ayushman Bharat nohoilebi alag sarkari insurance scheme para cover nokora manu khan ke faida pungchabole nimitey banaisey. Etu para sob nimitey ilaj kora tu accessible(asani para pabole pariya) aro sosta ban ate ekta dangor kamyabi hasil kora dikhai asey. CM-JAY tu sob manu nimitey health assurance dibole karney ekta jaruri step asey. Etu para beneficiary khan ke Rs 5 lakh tak laga medical benefits pabole modod korey.”
Tai para Prime Minister Narendra Modi para initiate kora Pradhan Mantri Jan Arogya Yojana laga kamyabi ke highlight kurisey. Etu scheme para 9.75 lakh parivar majotey komsikom 5.12 lakh parivar ke cover kurisey. Dr Saha para CM-JAY launch kora laga picheyte ki motivation thakisey etu samjhaisey.
Dr Saha para koisey ki rajya laga alag alag para bisi manu khan health logotey jurikina thaka mamla te modod mangikina taikey approach korey. Amikhan para modod tu diye, hoilebi 100% saturation level pabole tu muskil kaam thakisey. PM-JAY logotey milaikina, amikhan para 4.15 lakh manu ke cover kuribole nimitey Chief Minister Jan Arogya Yojana introduce kurisey.”
Add Comment