Guwahati, February 15 : Assam laga Guwahati seher para harikina thaka duijun minor(18 years para nichey thaka) school ja chukri khan ke bachaidisey.
Guwahati laga etu duijun harikina thaka school ja chukri ke police para Thursday(February 15) te Assam laga Nalbari district laga Tihu jaga para bachaikina anisey.
Etu duijun school ja chukri tu Panchadeep Jatiya Vidyala te Class 8 te puri thakisey. Taikhan duijun tu Wednesday (February 14) te Saraswati Puja laga jashan manaithaka majotey Guwahati seher laga Noonmati locality para haraikina thakisey.
Ageyte, Assam police para duijun minor school ja chukri Madhusmita Baishya aro Bandita Bhowmik gayap hoija laga mamla te manu khan ke dhurikina bikri kura manu laga haath asey koikina suspect kurisey.
Police para duijun youth ke identify kurisey kun khan tu Assam laga Guwahati seher para duijun minor schoolgirls harija te shamil asey koikina suspect kuri asey.
Etu duijun youth laga naam tu Rahul aro Mithun asey.
Reports hisap te, Rahul tu Assam laga Nalbari district para asey aro Mithun tu Assam laga Nagaon district para asey.
Etu duijun harikina thaka school ja chukri para etu duijun jawan chokra ke poila para janikina thakisey.
Etu duijun chukri laga umar bi 13-14 years majotey hobo.
Add Comment