Bordumsa, February 15 : Arunachal Pradesh laga Chief Minister Pema Khandu para koisey ki drug abuse logotey jurikina thaka problem ke serious para lobo lagey. Etu ke ekta psychotherapist nohoilebi substance addiction nohoikina ekta bimar nisna treat kuribo lagey.
Khandu para 40th Shapawng Yawng Manau Poi te manu khan ke bhasan di thakisey. Etu tu Arunachal laga Singpo community laga ekta dance festival thakisey. Etu tyohar tu Wednesday laga din fale Namsai district laga Namgo Model busti te manaisiley.
Etu hodai saal huwa dangor event- etu cultural extravaganza tu 12 February te suru hoisiley aro 15 February te khotom hoisey.
Namsai district te drugs laga khatra thaka ke refer kurikina, Khandu para sob manu ke nijor laga part kuribole request kurisey. Tai para manu khan ke state government para drugs laga khatra ke hatabole nimitey ekta effective tarika bana picheyte alag alag avenues(centre khan) already khulikina thaka laga istamal kuribole koisey.
Etu Chief Minister para Namsai aro Changlang district laga Tai-Khamti Singpho manu khan ke bhasan diya homoitey, taikhan ke taikhan laga ameer culture aro pehchan ke bachaikina rakhibole aro promote kuribole nimitey kadam uthabole request kurisey.
Tai para koisey, “Khas kurikina jawan manu khan para chutu generation khan ke sikhaikina nijor laga tradition, culture aro amir etihasik legacy laga pavitrata ke bachabole nimitey ekta dangor role nibhabo parey.”
CM Khandu laga cabinet laga bisi MLA aro Minister aro East Tapir Gao laga MP bi etu tyohar laga jashan maniya homoitey tatey mojud thakisey.
Arunachal Legislative Assembly laga speaker Pasang Dorji bi etu tyohar te Khandu logotey mojud thakisey.
State government para manu khan laga bhalayi nimitey alag alag kadam utha laga kotha koikina, Khandu para koisey ki Arunachal Pradesh laga rajya tu Prime Minister Narendra Modi aro Home Minister Amit Saha laga leadership aro guidance laga under te ahibole homoitey bisi develop hobo.
Add Comment