Aizawl, February 19 : Sports and Youth Services Minister Lalnghinglova Hmar para Monday din te Mizoram laga Mualpui jaga te thaka Rajiv Gandhi Stadium te Khelo India University Games men’s football tournament inaugurate kurisey. Etu ke Sports Authority of India (SAI) para organize kurisiley.
Tailaga inaugural speech te, Hmar para India laga alag alag hisa para footballer aro taikhan laga team ke swagat kurisey. Aro koisey ki Mizoram Men’s football tournament tu Khelo India University Games laga under te thaka sports category majotey ekta asey.
Tai para agey barikina koisey ki football tu khali ekta sport ekla nohoi, hoilebi etu tu bisi jawan manu khan nimitey poisa kama laga ekta jariya asey. Aro etu University laga student footballer khan ke taikhan laga best dibole aro khali desh laga level te hey nohoikina international level te bi taikhan laga skill para kamyabi hasil kuribole hosla baraisey.
Mizoram para etu football tournament host kuribole asey. Aro North East laga alag rajya khan para alag alag sports khan host kuribole asey.
Men’s football te 6ta team compete kuribole asey. Hoilebi mondukh laga kotha tu, Mizoram University tu etu te included nai.
Group A :
- Punjab University, Patiala
- GuruNanak Dev University, Amritsar
- University of Calicut, Kerala aro
- University of Calcutta
Group B :
- Mahatma Gandhi University, Kottayam
- Adams University
- Shivaji University aro
- University of Kerala
Add Comment