Imphal, February 23 : Delhi police para Manipur laga 9 jun protest kora mnau ke arrest kurisey, kun khan para jhamila chuli thaka Manipur rajya te shanti aro milijulikina eksath thaka tu joldi wapas anibole demand kuri asey.
Taikhan para bhuk hartal kurisey. Aro etu bhuk hartal tu Malem Thongam koikina ekjun transgender laga leadersip under te launch hoisey. Malem Thongam tu Lamyanba Irawat Memorial Integrated Trust (LIMIT) laga president bi asey. Etu bhuk hartal ke Delhi laga Burari police station laga ekta police team para rokhaidisey.
LIMIT laga president Malem Thongam bi alag 8jun protest kora manu logotey arrest hoisey. Etu arrest tu Thursday din laga 5 pm fale Delhi University laga Arts Faculty hoisey. Aro arrest tu 144, CrPC laga ulanghan kora laga iljam te kurisey.
Etu strike tu LIMIT para Delhi Meitei Coordinating Committee (DMCC) aro New Delhi te boha Manipuri manu khan logotey milikina organise kurisey. Sources khan para koisey ki arrest huwa manu khan tu Police lockup bhitor te bi bhuk hartal kuri thakisey.
Police para bhuk hartal kora jaga para protest kuri thaka manu khan laga placard aro banner khan ke seize kuriloisey. Etu placard aro banner khan te enaka likhikikina thakisey, “Manipur te shanti aro khusi wapas anibole nimitey Hunger strike”, “Manipur te NRC Update kuribi”, “SoO hataidibi” aro “Manipur te shanti wapas anidibi”.
Add Comment